Сурункали яллиғланиш инсон организмида жиддий муаммо туғдиради. Унинг ўчоқлари стресс, зўриқиш, спиртли ичимликларни ҳаддан ташқари истеъмол қилиш туфайли пайдо бўлади. Агар буларни эътиборсиз қолдирсангиз ва ички микрояллиғланишлар кучайишининг олдини олмасангиз, бу аутоиммун ва кардиологик касалликларнинг кучайишига олиб келиши мумкин. Сурункали яллиғланиш ҳам қаришни тезлаштиради ва соғлом метаболизмга халақит беради. Аммо мувозанатли, тўғри овқатланиш вазиятни нормаллаштиришга ёрдам беради.
Сабзи
Сабзи бета-каротинга бой бўлиб, организм А витамини ҳосил қилиш учун фойдаланади, бу яллиғланишга қарши хусусиятларга эга. А витамини суяк ва терининг саломатлигини қўллаб-қувватлайди. Инсон кексайган сари уни етарли даражада олиши ниҳоятда муҳим. Эътиборли жиҳати: А витамини ёғда эрийди, шунинг учун стрессни камайтириш хусусияти билан машҳур бўлган сабзи шарбати қаймоқ билан ажойиб композиция ҳосил қилади.
Ҳам хом, ҳам термал қайта ишланган сабзи жуда фойдали, лекин қайнатилган илдиз сабзавотларнинг гликемик индекси жуда юқори эканлигини унутманг.
Саримсоқ пиёз
.jpg)
Саримсоқ таркибида мавжуд бўлган органик (унга ўзига хос таъмини берувчи) бирикмалар иммунитетингизни ошириш билан бирга баъзи саратон касалликларининг ривожланишига тўсқинлик қилиши мумкин.
Брокколи ва гулкарам
Албатта, хом карамнинг нордон таъмга эга эканлигини биласиз. Бунга яллиғланишга қарши кучли таъсирга эга махсус полифеноллар жавобгардир.
Брокколи C-реактив оқсилларни, яллиғланиш белгиларини камайтиришда самарали. Яшил карам жуда фойдали ва яллиғланишга қарши бўлган табиий антиоксидантлар сулфурофанларга бой. Брокколида, шунингдек, калсий, клетчатка ва кўп миқдорда сув мавжуд. Бу ҳам унинг яллиғланишга қарши хусусиятларини қўллаб-қувватлайди. Умуман олганда, қаришни секинлаштирмоқчи бўлсангиз ва соғлиғингизни узоқроқ муддатга сақламоқчи бўлсангиз, карамга таянишингиз мумкин!
Картошка
Ҳа, ғалати, аммо ҳамма учун энг севиб истеъмол қилинадиган картошка сурункали яллиғланишни енгиллаштирадиган ва қаришни секинлаштирадиган озиқ-овқатлар қаторига киради.
Картошка клетчатка, калий ва C витаминига бой. Калийнинг юқори миқдори туфайли илдиз меваси холестерин ва қон босимини пасайтиради, қайнатилган янги картошка эса ревматоид артрит билан оғриганлар учун фойдалидир — улар оғриқни камайтиради. Асосийси, тоза илдиз меваларни танлашдир.
Яшил баргли сабзавотлар
Паст калорияли кўкатлар стресс ва яллиғланишга қарши асосий курашчи ҳисобланади. Таркибида кўплаб антиоксидантлар ва полифеноллар, шунингдек, темир, калий, магний, А, C, E витаминлари ва бошқалар мавжуд. Ҳар бир овқатни салат билан бирга истеъмол қилинг — бу сизни озуқавий моддалар билан таъминлайди ва қўшимча равишда ошқозонингизни тўлдириш орқали ортиқча овқатланишдан сақлайди.
“Замин” янгиликларини “Youtube”да кузатиб боринг
