Соч оқаришининг олдини олиш мумкинми?

^{Фото: Adobe Stock}
Соч оқариши аслида ирсий жараён ҳисобланади, аммо у ташқи таъсирлар сабабли юзага келса, бунинг олдини олиш мумкин. Сочга оқ тушишининг «физиологик» кўриниши одатда 50-55 ёшга тўғри келади. Бу сочни табиий ранг билан таъминлайдиган меланин ишлаб чиқарадиган меланоцит ҳужайралари функциясининг заифлашиши билан боғлиқ.

Агар оқ толаларнинг пайдо бўлиши эрта (20-30 ёшда) бошланса, нафақат меланоцитларнинг фаоллиги пасайишига, балки уларнинг нобуд бўлишига олиб келувчи бир нечта омиллар ҳам борлигидан дарак беради:
- сурункали стресс;
- сурункали инфекция ўчоқлари;
- қалқонсимон без;
- гипофиз бези;
- ошқозон-ичак тракти касалликлари;
- темир танқислиги;
- аутоиммун касалликлар;
- қон айланишининг бузилиши;
- нотўғри овқатланиш;
- витаминлар ёки микроэлементлар етишмаслиги;
- ноқулай муҳит;
- ёмон одатлар ва бошқалар.

Оқ сочлардан халос бўлишнинг энг тез ва самарали усули — сочларни бўяшдир, аммо афсуски, тез-тез фойдаланиш кераклиги туфайли мазкур процедура сочлар гўзаллиги ва ҳолатига салбий таъсир кўрсатиши мумкин. Тиббиёт фанлари номзоди, косметолог, трихолог, дерматолог Екатерина Юриевна Пашченко сочга оқ тушишининг олдини олишнинг муқобил усуллари ҳақида маълумот беради.

^{Фото: Adobe Stock}
Юқори сифатли ва тўйимли овқатланиш — озиқ-овқат билан бирга зарур микроэлементлар ва озуқа моддаларини етарли даражада истеъмол қилиш жуда муҳимдир. Рационингизга етарли миқдорда протеин, кальций, рух, мис, селен, Б витаминлари, бета-каротинни ўз ичига олган озиқ-овқатларни киритинг: денгиз ўтлари, ёнғоқлар, фундуқ, баргли сабзавотлар, дуккаклилар, тухум, творог, брокколи, жигар, цитрус мевалари, олма, резаворлар ва бошқалар. Бундан ташқари, етарли миқдорда омега кислоталарни ўз ичига олган маҳсулотлар — зайтун мойи, балиқ ёғи, балиқнинг баъзи турлари ҳам фойдалидир.

Ичимлик режими — суюқликнинг етарли эмаслиги метаболик жараёнларни ва муҳим озиқ моддаларнинг сўрилишини секинлаштиради. Шунинг учун кунига камида 1,5-2 литр тоза сув ичишга одатланинг. Ўз вақтида тиббий кўрикдан ўтиш яширин касалликларни аниқлашга ва мутахассис назорати остида керакли даволанишга ёрдам беради. Стрессдан иложи борича халос бўлишга ҳаракат қилинг. Керак бўлса, психолог ёки психотерапевтдан ёрдам сўранг.

Соғлом турмуш тарзига риоя қилинг — тоза ҳавода тез-тез сайр қилинг (кунига 2-3 соат), ёмон одатлардан (чекиш, спиртли ичимликлар) воз кечинг.

Уйда микроциркуляцияни яхшилайдиган терини парвариш қилиш машқларини бажаринг, масалан, кунига 3-5 дақиқа давомида бош терисини массаж қилинг.

Кастор ёғи, қалампир дамламаси ва Б витаминлари асосида тайёрланган ўсимлик ниқобларидан фойдаланинг — улар микроциркуляцияни рағбатлантиради, кастор ёғи эса табиий пигмент ишлаб чиқаришга ёрдам беради.

Меланин (систеин ва тирозин каби) синтези учун зарур бўлган микроэлементлар ва аминокислоталарни ўз ичига олган Б, C, А витаминларига асосланган фармацевтик препаратларни синаб кўринг — барча дорилар фақат шифокор кўрсатмаси бўйича қўлланилади.

Олтингугурт, биотин, иноситолни ўз ичига олган лосёнлардан фойдаланинг — уларнинг барчаси меланин ишлаб чиқаришни тиклайди ва оқ сочларни камайтиришга ёрдам беради.

Муҳим микроэлементлар ва витаминларни ўз ичига олган бош териси учун мезотерапия курсига қатнашинг — бу ҳам сочларнинг эрта оқариб кетишининг олдини олишнинг ажойиб усули. “Замин” янгиликларини “Facebook”да кузатиб боринг