Москва шахрида ”Журналистика: ижод, касб, индустрия” мавзусида халқаро илмий-амалий конференция бўлиб ўтмоқда.(7-8 феврал, 2017 йил) Ўқиш ишида қатнашаётган “Ўзбекистон овози” газетасининг мухбири, журналистлар ижодий уюшмаси Фарғона вилоят бўлими раиси Мухаммаджон Обидов Россия Федерациясининг “ТАСС” Ахборот агентлиги Бош директорининг биринчи ўринбосари Михаил Гусман билан учрашиб блиц-интервью олди. Қуйида ана шу суҳбат билан танишасиз.
— Михаил Соломонович, Сизни сиёсий интервью жанрида ўзига хос мактаб яратган журналист сифатида биламиз. Лекин суҳбатни бошқа мавзудан бошласак. Электрон ОАВларининг анъанавий босма нашрлардан “ўзиб” кетаётганини қандай изоҳлаш мумкин?
— Электрон ОАВлари интернет, телевидение, радионинг бирламчи ютуғи ахборотни тезкор узатиш имкониятида. Келинг, буни қўя турайликда тезкорлик имкониятининг “ноқулайликлари” ҳақида гаплашайлик. Электрон ОАВларининг қўрқинчли томони шундаки, улардаги тезкорлик имконияти туфайли биз воқеликнинг содир бўлиш жараёнини кузатаяпмиз. Қандай бўлса шундайига. Масалан, Америкадаги 11 сентябр воқеалари, Ироқни бўмбалаш жараёни, космодромдан кўтарилаётган ракетанинг портлаб кетиши… Энди ўйлаб кўринг, юз миллионлаб томошабинлар орасида неча-нечаси юрак хуружига учради, болалар руҳияти хасталанди, вужудни қўрқув қоплади. Бундай тезкорлик инсоният тафаккурига, жумладан салбий таъсир кўрсатаётганини ҳам инобатга олиш зарур.
— Ижтимоий тармоқ интернет журналистика, ОАВ сининг бир кўринишими?
— Йўқ-йўқ. Ижтимоий тармоқ ҳеч қачон журналистика бўла олмайди. У мулоқот услубигина холос. Албатта бу менинг шахсий муносабатим. Хонамда мева шарбати ичиб бўшаган стаканни столга қўйган чоғимда бир ҳамкасбим уни суратга олиб фейсбукка жойлабди. 15-20 дақиқа ичида 120 дан ортиқ мурожаат ва шарҳ келди менинг электрон манзилимга. Унда “бўшатилган стаканга тикилган Гусман нималар ҳақида ўйланмоқда” деб ёзилганди. Наҳотки шу журналистика бўлса?!
— Америкадаги президентлик сайлов натижаларига хакерларнинг киберҳужуми таъсир кўрсатган, дея даво қиладилар…
— Ҳа, шундай гаплар бор. Биласизми, киберҳужумдан ҳеч ким муҳофазаланмаган. Дунёда икки юздан зиёд давлат ахборот агентлиги бор. Уларга бир кеча-кундузда 4 мингдан зиёд киберҳужум уюштирилар экан. Бу жуда хавфли фожеа. Американинг йирик ахборот агентликларидан бири сайтига кирган киберҳужумчи унинг номидан Оқ уйда портлаш юз бергани, Президент Обама ярадор бўлгани ҳақида ахборот тарқатди. Тўғри уни 16 секунддаёқ пайқаб сайтдан олиб ташладилар. Аммо ана шу 16 секунд ичида “тезкорлик фидойилари” бўлган ўнлаб интернет сайтларда бу сохта хабар тарқалиб улгурган эди. Энди тушунгандирсиз, киберҳужум қандай оқибатларга олиб келишини.
— Давлат телевидениесига нисбатан хусусий телевиденияларда танқид, тахлил, очиқлик сезиларли даражада кўпроқ учрайди, дейди мутахассислар. Сиз-чи?
— Ҳар қандай ОАВ, жумладан телевидение фаолиятида Ватан манфаати деган туйғу устун туради. У хоҳ Америка, хоҳ Европа, хоҳ Россия ОАВ бўлмасин. Масалан, “Францпресс” молиявий мустақилман, дейди ўзини. Лекин давлат унинг обрўсини ташкил этиш йўли билан бу Ахборот агентлигини қўллаб қувватлайди. Демак, ҳар қандай ОАВси давлат, у олиб бораётган сиёсат билан қайсидир даражада боғлиқ. Мен учун мансублиги жиҳатидан давлат ёки хусусий ОАВ эмас, ҳаққоний журналистика муҳим.
— Айтишларича Сиз 64 мамлакат президенти ва давлат рахбарларидан интервью олган экансиз. Агар сир бўлмаса режа, ўйларингиз қандай?
— Мен аввало Россиядаги энг йирик ахборот агентлиги раҳбарларидан бириман. Президент, бош вазирлардан интервью олиш эса кўнгил ва илҳом иши. Очиғини айта қолай, Ўзбекистонда рўй бераётган ўзгаришларни катта қизиқиш билан кузатиб бораяпман. Агар розилик берса, мен Ўзбекистон Президенти Шавкат Мирзиёев билан учрашиб ундан интервью олган бўлар эдим.
Мухаммаджон Обидов “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Шавкат Мирзиёев Россия бош прокурори билан учрашув ўтказди
22 ноябрь куни Cobalt автомобилига шартнома очилиши эълон қилинди
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Зеленский Путин борасида баёнот берди: “Тинчликни истаганлар юзига тупурмоқда”
