Бугун, 25 октябрь куни Тошкент шаҳрининг Чилонзор туманида жойлашган кийим дўконида ёнғин содир бўлди, деб хабар берди шаҳар Фавқулодда вазиятлар бошқармаси.
Маълумотларга кўра, соат 15:24 да Қизил Шарқ маҳалласидан ёнғин ҳақида хабар келиб тушган. Қутқарув отрядлари соат 15:26 да воқеа жойига етиб борган ва ёнғинни 15:37 да тўлиқ бартараф этган.
Ёнғин 9 қаватли бинонинг биринчи қаватида жойлашган кийим дўконида юз берган бўлиб, 10 квадрат метр майдон зарарланган.
Фавқулодда вазиятлар бошқармаси маълумотига кўра, ҳодиса натижасида ҳеч ким тан жароҳати олмаган. Ҳозирда ёнғиннинг келиб чиқиш сабаблари ўрганилмоқда.
Мутахассислар таъкидлашича, тезкор ҳаракатлар сабаб ёнғин қисқа вақт ичида назоратга олинган ва катта йўқотишларга йўл қўйилмаган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
