09:43 / 22.03.2021
2 129

Маҳкумларни жазони ўташ учун манзил-колонияга ўтказиш тартиби бекор қилинади

Маҳкумларни жазони ўташ учун манзил-колонияга ўтказиш тартиби бекор қилинади
“Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги қонун лойиҳаси эълон қилинди.

Ҳужжат лойиҳаси президентнинг 2020 йил 29 декабрь куни Олий Мажлисга йўллаган мурожаатномаси ва 2021 йил 3 февралдаги ПФ-6155-сон фармони билан тасдиқланган 2017 - 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Ёшларни қўллаб-қувватлаш ва аҳоли саломатлигини мустаҳкамлаш йили”да амалга оширишга оид давлат дастури 23- ва 30-бандларида белгилаб берилган вазифаларни амалга ошириш мақсадида ишлаб чиқилди.

Қонун лойиҳасини қабул қилиш зарурати қуйидагилар билан изоҳланади:
биринчидан, жазони ижро этиш тизимига инсонпарварлик тамойилларини кенг татбиқ этиш;
иккинчидан, жазони ижро этиш тизими очиқлиги ва шаффофлиги устидан жамоатчилик назорати ролини ошириш;
учинчидан, маҳкумларни ахлоқан қайта тарбиялаш, жиноятчилик олдини олиш, ижтимоий-психологик ва тарбиявий иш самарадорлигини ошириш;
тўртинчидан, маҳкумлар ҳуқуқлари доирасини кенгайтириш ва улар озодликка чиққанидан сўнг нафақа таъминоти кафолатларини кучайтириш.

Лойиҳа “Фуқароларнинг давлат пенсия таъминоти тўғрисида”ги қонун, Жиноят, Жиноят-ижроия ва Солиқ кодексларига ўзгартириш ва қўшимчалар киритилишини назарда тутади.

Жумладан:
биринчидан, маҳкумлар жазосини енгилроғи билан алмаштириш ёки жазодан шартли озод қилишга тақдим этувчи Инсонпарварлик комиссияси ташкил этилиши, комиссия ваколатлари, асосий вазифалари, фаолияти ва таркибини белгилаш;

иккинчидан, озодликдан маҳрум қилинган маҳкумлар жазодан озод этилганидан сўнг пенсия таъминоти кафолатини кучайтириш мақсадида, маҳкумларга ягона ижтимоий солиқни ҳар ойда ихтиёрий равишда тўлаб бориш ҳуқуқини тақдим этиш;

учинчидан, озодликдан маҳрум қилинган маҳкумларни жазони ўташ учун манзил-колонияга ўтказиш тартибини бекор қилиш;

тўртинчидан, маҳкумлар жазосини енгилроғи билан алмаштириш тартибига ўзгартириш киритиш.

Қонун лойиҳасининг қабул қилиниши:
биринчидан, халқаро стандарт ва илғор хорижий тажрибани миллий хусусиятлар ҳамда шароитни ҳисобга олган ҳолда, жиноят ва жиноят-ижроия қонунчилигига имплементация қилиш орқали қонунчиликни янада такомиллаштиришни;

иккинчидан, жиноят ва жиноят-ижроия қонунчилиги асосий тамойилларини мустаҳкамлаш, маҳкумларни ахлоқан тузатишнинг таъсирчан механизмларини яратиш, улар ҳуқуқлари ва қонуний манфаатлари доирасини кенгайтиришни;

учинчидан, жазони ижро этиш тизими очиқлиги ва шаффофлиги устидан жамоатчилик назорати ролини такомиллаштиришни;

тўртинчидан, маҳкумларда қонунга итоаткор хулқни шакллантириш ва улар томонидан жиноятлар содир этилиши олдини олишга қаратилган чора-тадбирлар самарадорлигини оширишни таъминлайди.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Маҳкумларни жазони ўташ учун манзил-колонияга ўтказиш тартиби бекор қилинади