Таал жанартауы үш рет жанданып, аспанды күл басқан

Филиппинде орналасқан Таал жанартауы қайта жанданды. Табиғи құбылыстың нәтижесінде жанартау 2100 метр биіктікке күл шашып, Батангас провинциясындағы Танауан қаласын қатты түтін басты.

Филиппин жанартаутану және сейсмология институтының мәліметінше, жанартауда екі әлсіз фреатамагмалық және бір фреаттық жарылыс байқалған. Мамандар әзірге қауіп деңгейі көтерілмегенін, бірақ тұрғындарға сақтық шараларын қолдану ұсынылғанын айтады.

Айта кетейік, Таал - елдегі ең белсенді жанартаулардың бірі, ол соңғы жылдары бірнеше рет күшті атқылаулармен қауіп төндірді.