Муджтаба Хаменеи: Түркия мен Омандағы шабуылдарға Иранның қатысы жоқ

Иранның жоғарғы басшысы Муджтаба Хаменеи Түркия мен Оман аумағындағы нысандарға жасалған соңғы шабуылдарға қатысты мәлімдеме жасап, бұл оқиғаларға Иран армиясының қатысы жоқ екенін атап өтті.

Оның айтуынша, бұл оқиғалардың артында "жалған жалау" тәсілін қолданатын сыртқы күштер тұр. Яғни, мұндай әрекеттер арқылы Ислам Республикасы мен көршілес елдер арасында келіспеушілік тудыру көзделген.

Муджтаба Хаменеидің айтуынша, мұндай арандатушылық сценарийлер сионистік күштердің кезекті алдамшы әрекеті болып табылады. Ол бұл арқылы Израильді меңзегенін де жасырмады.

Сонымен қатар, ол болашақта ұқсас оқиғалардың басқа елдерде де қайталануы мүмкін екенін жоққа шығармады. Бұл аймақтағы жағдайдың одан әрі күрделене түсуі мүмкін екенін білдіреді.