Челябинск мектебінде 9-сынып оқушысының атыс оқиғасы

Бүгін, 26 наурызда, Челябинск қаласындағы 32-мектепте 9-сынып оқушысының атыс әрекеті салдарынан мұғалім мен оқушылар зардап шекті. Бұл туралы “Mash” хабарлады.

Оқиға сабақ кезінде болғаны хабарланды. 15 жастағы оқушы сыныпқа кіргеннен кейін алдымен екі мұғалімге газ бүріккішпен зиян келтірді, сосын сыныптас қыздың басына оқ атты. Қашуға тырысқанда терезеден секіріп, аяғын сындырды.

Қазір шабуыл жасаған оқушы мен сыныптасы ауруханаға жеткізілді. Мұғалімге химиялық күйік диагнозы қойылды.

Достары мен сыныптастарының айтуынша, ол тыныш және байсалды бала болған, бұрын каратэмен айналысқан.

Оқиғаның ықтимал себебі – оқушының сыныптас қызға басқа бір ұлдан қызғаныш танытуы, сондықтан сыныпқа қару әкелгені айтылуда. Тергеу комитеті адам өлтіруге әрекет жасау бойынша қылмыстық іс қозғады.

Баланы әкесі Артур К. баласы қаруды қайдан алғанын білмейтінін мәлімдеді. Сондай-ақ, 41 жастағы Артур К. шахматпен айналысқан және ұлына да осы спорт түрін үйреткен. Оны каратэ секциясына да апарған, бала үнемі турнирлерге қатысқан.

Оқиғанан кейін мектеп уақытша жабылып, барлық оқушылар үйлеріне жіберілді.