Канн кинофестивалінің қызыл кілемінде жұлдыздар жарқырады

Францияның Канн қаласында 12 мамыр күні 79-шы Канн кинофестивалінің ашылу салтанаты өтті. Іс-шара алдында дәстүрлі қызыл кілем рәсімі ұйымдастырылып, оған әлемдік кино және сән әлемінің танымал өкілдері қатысты.

Биылғы қызыл кілемде актриса Деми Мур ең көп назар аударған жұлдыздардың бірі болды. Сондай-ақ, Джейн Фонда, Наталья мен Мурад Османн, Поппи Делевинь, сүйіктісі Изабель Пакзадпен бірге Джеймс Франко, Филиппин Леруа-Болье, жұбайы Метте-Мари Конгсведпен бірге Элайджа Вуд және Джоан Коллинз де рәсімде бой көрсетті.

Фестивальдің ресми қазылар алқасының құрамына Стеллан Скарсгард, Диего Сеспедес, Лора Вандель, Пак Чхан Ук, Хлоя Чжао, Исаак де Банколе, Рут Негга және Пол Лаверти секілді киногерлер енді.

Канн кинофестивалі 23 мамырға дейін жалғасады. Фестиваль барысында жаңа фильмдердің көрсетілімі, жұлдыздардың шығуы және қызыл кілемдегі жарқын образдар киносүйер қауымның назарында болады деп күтілуде.