Шакира Spotify тарихында жаңа рекорд орнатты

Әлемдік музыка жұлдызы Шакира тағы бір тарихи жетістікке жетті. Әнші Spotify платформасында ай сайынғы тыңдармандарының саны 100 миллионнан асқан өнерпаздар қатарына қосылды.

Осылайша Шакира бұл межеге жеткен алғашқы латынамерикалық әйел әнші ретінде Spotify тарихынан орын алды.

Мамандардың айтуынша, бұл нәтиже Шакираның жылдар бойы шығарған хит әндерін әлемнің түкпір-түкпіріндегі миллиондаған жанкүйер әлі де тұрақты тыңдайтынын тағы бір мәрте көрсетті.

Бұл рекорд әншінің халықаралық музыка сахнасындағы беделі мен танымалдығы жылдар өтсе де бәсеңдемегенін дәлелдейді. Бүгінде Шакира Spotify-да ең көп тыңдалатын өнерпаздардың бірі ретінде өз позициясын одан әрі нығайтып келеді.