Наманган облысында "Кумир таъминот" ЖШС аймақтық филиалының лауазымды тұлғасына қатысты ірі көлемде пара алды деген күдікпен қылмыстық іс қозғалды. Бұл жөнінде Podrobno.uz хабарлайды.
Құқық қорғау органдарының мәліметі бойынша, филиал басшысының орынбасары азаматтан оны облыстағы көмір қоймасының басшысы қызметіне тағайындау үшін 40 мың АҚШ долларын талап еткен. Сонымен қатар, ол жоғары лауазымды таныстарына сүйеніп, қоймаға жеткізілетін көмір вагондарының санын арттыруды уәде еткен.
Биылғы 6 желтоқсанда күдікті филиал қызметкері арқылы талап етілген соманың бірінші бөлігін — 25 мың АҚШ долларын алған және азаматтың қойма басшысы қызметіне тағайындалуын қамтамасыз еткен. Кейін лауазымды тұлға қалған 15 мың АҚШ долларын, сондай-ақ қосымша 30 вагон көмір жеткізу үшін 7,5 мың АҚШ долларын талап еткен.
Барлығы 22,5 мың АҚШ долларын делдал арқылы алып жатқанда, күдіктілерді Мемлекеттік қауіпсіздік қызметі мен Экономикалық қылмыстарға қарсы күрес департаментінің қызметкерлері ұстаған. Қазіргі уақытта олардың үстінен Қылмыстық кодекстің 168-бабы (Алаяқтық), 4-бөлімі, "а" тармағы және 211-бабы, 3-бөлімі, "а" тармағы бойынша қылмыстық іс қозғалған.
Оларды қамауға алу шарасы қабылданған. Айтылғандай, қабылданған шаралар нәтижесінде халыққа көмір уақытылы және жеңілдетілген бағамен қамтамасыз етілген.
