Сұрхандария облысының Сариосиё ауданында күтпеген жол-көлік оқиғасы болды. Бұл туралы Төтенше жағдайлар министрлігінің аумақтық басқармасы хабарлады.
Хабарланғандай, 17 апрель күні кешкі сағат 18:40 шамасында "Эхтиром" махалласында Gentra маркалы автокөлік жүргізушісі көлікті қол тежегішіне қоймастан дүкенге кіріп кеткен. Салдарынан бақылаусыз қалған көлік өздігінен жылжып, махалла аумағынан ағып өтетін "Топаланг" өзеніне құлаған.
Жүргізуші дереу "112" бірыңғай құтқару қызметі арқылы тиісті органдарға хабарласқан. Құтқарушылар оқиға орнына тез арада жетіп, арнайы техниканың көмегімен автокөлікті судан алып шығуға қол жеткізді.
Оқиға кезінде көлік ішінде ешкім болмағаны және зардап шеккендер жоқ екені атап өтілді. Мамандар мұндай жағдайлардың алдын алу үшін жүргізушілерге көлікті дұрыс күйде қалдыру, әсіресе қол тежегішін пайдалану қажеттігін тағы да ескертеді.
