Мадридтің “Реал” клубының шабуылшысы Килиан Мбаппе жуырда берген сұхбатында өзіне футболда шабыт берген басты тұлғаны атады. Француз жұлдызының айтуынша, оның ең үлкен үлгісі — португалиялық аңыз Криштиану Роналду.
«Криштиану Роналду мен үшін әрқашан үлгі болған. Ол тек алаңдағы жетістіктерімен ғана емес, тәртібімен және еңбексүйгіштігімен ерекшеленеді. Онымен сөйлесу, кеңес алу — мен үшін үлкен мәртебе. Ол әрдайым қолдау көрсетіп, сенім ұялатады», — деді Мбаппе.
Француз ойыншысы Роналдудың “Реалдағы” орнын да ерекше атап өтті:
«Роналду — “Реалдың” жүзі, клуб тарихындағы ең үлкен символ. Ол кеткеніне біраз уақыт болса да, Мадридте әлі күнге дейін оны мақтан тұтады, есіне алады».
Белгілі болғандай, Криштиану Роналду 2009 жылдан 2018 жылға дейін “Реал” сапында ойнаған және клуб тарихындағы ең нәтижелі ойыншы атанған — 438 матчта 450 гол. Сол уақытта ол “Алтын допты” төрт рет иеленген.
Қазір 40 жастағы Роналду Сауд Арабиясының “Ан Наср” клубында ойнап жүр және әлі де жоғары деңгейде өнер көрсетуде. Мбаппенің сөзінше, ол Роналдудың еңбекқорлығынан және жарысқа деген жігерінен әлі де шабыт алады.
«Мен үшін ол әрдайым ең үздік болып қалады. Егер сен футболшысын — Криштианудан үйренбей қою мүмкін емес», — деп түйіндеді Мбаппе.
“Zamin”-ді Telegram-нан оқыңыз!
