Де Брюйнe 2026 жылғы Әлем Чемпионатын өткізіп жіберуі мүмкін

Бельгия құрамасының жартылай қорғаушысы Кевин Де Брёйне өткен демалыс күндері "Интер" қақпасына пенальти теуіп жатып ауыр жарақат алды. Бельгиялық футболшыға сәтті ота жасалып, бұл туралы кеше "Наполи" клубы хабарлады.

The Sun басылымының жазуынша, Де Брёйне айналасындағылар жарақаттан айығу ұзаққа созылуы мүмкін деп алаңдаулы. Осы себепті футболшының 2026 жылғы Әлем Чемпионатында Бельгия құрамасы сапында алаңға шығуы екіталай.

Бұған дейін Де Брёйне жарақаттан толық айығуы үшін шамамен төрт ай уақыт керек екені, оның көктем басында сапқа қайта қосылуы мүмкін екені хабарланған еді. Қазіргі уақытта "Наполи" Италия чемпионатының турнирлік кестесінде көш бастап тұр.