Мадридтің "Реал" клубының шабуылшысы Килиан Мбаппе командаласы Арда Гюлердің ойындары туралы пікір білдірді. 20 жастағы жартылай қорғаушы Хаби Алонсоның қол астында "Корольдік клубтың" негізгі футболшыларының біріне айналды.
Ағымдағы маусымда Мбаппе соққан голдардың көбі дәл осы жас түрік футболшысының пастарынан кейін орын алды. "Гюлердің жетістіктері мені таң қалдырмайды.
Ол өте дарынды және жасы жас болса да, командаға үлкен пайда әкеліп жатыр. Осы маусым Арда өз жасына лайық тамаша ойындар көрсетуде.
"Сантьяго Бернабеу" жанкүйерлері оның доппен жасаған ғажайыптарына тәнті болуда. Мен тек оның осылай жалғастыруын қалаймын.
Онымен бірге ойнағаныма қуаныштымын", – деп Мбаппенің сөздерін келтіреді Madrid Universal. Арда Гюлер ағымдағы маусымда 13 ойынға қатысып, үш гол соғып, бес нәтижелі пас берген.
