Роналду: "Фергюсон әрдайым жүрегімде қалады"

“Әл-Наср” шабуылшысы Криштиану Роналду өз уақытында "Манчестер Юнайтед" командасында бірге жұмыс істеген Алекс Фергюсон туралы пікір білдірді. "Алекс Фергюсонмен әлі де сөйлесесің бе?" деген сұраққа Роналду былай деп жауап берді: "Мен оны Манчестерде өткен Чемпиондар Лигасының финалында көрдім.

Бұрын біз көбірек байланысып тұратынбыз – ол тіпті маған шай ішуге үйге келген. Ол шайды сүтпен ішеді.

Ол өте жақсы адам. Фергюсон әрдайым менің жүрегімде қалады.

Ол маған өмірімде де, мансабымда да үлкен көмек көрсеткен", – деді Роналду Пирс Морганмен сұхбатында. Ақпарат үшін, сэр Алекс Фергюсон 2013 жылы зейнетке шыққан.

Шотландиялық маман "Манчестер Юнайтед" командасында шамамен 27 жыл қызмет атқарған.