Арсенал ойыншысы қаңтарға дейін алаңға шыға алмауы мүмкін

Арсенал командасы маңызды футболшысының жарақат алуына алаңдаушылық білдіруде. Бірнеше күн бұрын Бразилия ұлттық құрамасының жолдастық кездесуінде орталық қорғаушы Габриэль жарақат алған болатын.

BBC хабарлауынша, алдын ала мәліметтерге сәйкес, Габриэльдің толық қалпына келуі үшін кем дегенде төрт апта қажет. Мүмкін, бразилиялық футболшы қаңтар айына дейін алаңға шыға алмауы ықтимал.

Алдағы күндері футболшының қосымша медициналық тексеруден өтуінің нәтижесінде нақтырақ ақпарат жарияланатын болады. 2025/2026 маусымында Габриэль Арсенал сапында 17 кездесуге қатысып, екі гол соғып, әріптестеріне үш рет нәтижелі пас берген.