Бавария ойыншысы Карлға жоғары баға берді

Бавария командасының жартылай қорғаушысы Александр Павлович өз әріптесі Леннарт Карл туралы пікір білдірді. 17 жасар футболшы Бундеслига шеңберіндегі сенбі күнгі "Фрайбургке" қарсы ойында гол соғып, бір нәтижелі пас берді.

Аталған кездесуде Мюнхеннің алып командасы 6:2 есебімен жеңіске жетті. "Мен ешқашан бұлай жас футболшының өзіне соншалықты сенімді екенін көрген емеспін.

Карл керемет футболшы. Онымен бірге ойнау – үлкен құрмет", – деді Павлович журналист Керри Хау арқылы.

Карл осы маусымда Баварияның негізгі құрамында барлық турнирлерде 14 ойынға қатысып, 3 гол және 2 нәтижелі пас жасаған.