Хетафе минималды есеппен Эльчеден басым түсті

Испания чемпионатының 14-турындағы алғашқы кездесу жұма кешінде өтті. Онда "Хетафе" өз алаңында "Эльчемен" кездесті.

Алаң иелері допты көп бақыламаса да, шабуылдарды нәтижелі аяқтауда басымдық көрсетті. Кездесудің 56-минутында Мауро Арамбарри есеп ашты, бұл ойын барысында соғылған жалғыз гол болды.

Қорытындысында таблодағы 1:0 есебі өзгеріссіз қалды. "Хетафе" осы жеңіс арқылы үш ұпай жинап, жетінші орында қалып, Еуропа турнирлеріне жақындай түсті.

Ал "Эльче" 12-орынға жайғасты.