Фернандо Торрес "Атлетиконың" бас бапкері болғысы келеді

Испанияның бұрынғы шабуылшысы Фернандо Торрес қазіргі уақытта "Атлетико" жастар командасын басқарып, болашақ ұрпаққа тәлім-тәрбие берумен айналысуда. Торрес алдағы уақытта "Атлетико" негізгі құрамының бас жаттықтырушысы болуды армандайтынын жасырмайды.

Қазіргі кезде бұл команданы 15 жылдан бері Диего Симеоне басқарып келеді. "Әрине, бір күні осы қызметке таңдалатыныма үміттенемін.

Егер мұндай мүмкіндік туындаса, бұл менің еңбегімнің жемісі болары анық. Қазір болса, "Атлетико" жанкүйерлерінің қазіргі атқарып жатқан қызметіме риза екенін сезінемін", – деді Торрес derbyderbyderby.it басылымына берген сұхбатында.

Қазіргі таңда "Атлетико" Ла Лигада төртінші орында тұр.