Артета: Райя Арсеналды жаңа деңгейге көтерді

Лондонның "Арсенал" командасының бас бапкері Микель Артета қақпашы Давид Райяны жоғары бағалады. "Канонирлер" испаниялық қақпашыны 2023 жылдың жазында "Брентфордтан" өз құрамына қосқан болатын.

«Давид – керемет қақпашы. Біз оны біршама уақыт бұрын, бас бапкер болып тағайындалғаннан кейін бірден құрамға алғымыз келген едік, бірақ бұл бірнеше жылға кешігіп жетті.

Райя "Арсенал" сапында тамаша ойын көрсетуде және мен оның бізбен бірге жүргеніне өте қуаныштымын. Бұл ең үздік трансфер ме, әлде жоқ па, нақты айту қиын, бірақ ол командамызды жаңа деңгейге көтерді.

Сөзсіз, ол біздің ойынымызға жаңа дем әкелді», – деді Артета сәрсенбі күні "Брентфордқа" қарсы ойын алдында. Қазіргі маусымда Давид Райя 18 матчта небәрі сегіз гол жіберіп алды.