Челси Франциядан екі футболшы сатып алуы мүмкін

Лондонның "Челси" клубы Франция чемпионатында ойнап жүрген екі футболшыға қызығушылық білдіруде. Бұл туралы "Caught Offside" басылымы хабарлайды.

Мәліметтерге сәйкес, "Челсидің" назарында "Лилль" клубының 18 жастағы жартылай қорғаушысы Айюбу Буадди мен "Мец" клубының 16 жастағы шабуылшысы Брайен Маджо бар. Англиялық клуб бұл талантты футболшыларды жақын арада трансфер терезесінде өз құрамына қосуды жоспарлап отыр.

Қазіргі уақытта "Челси" Англия чемпионатының 14 турынан кейін 24 ұпай жинап, турнир кестесінде төртінші орында тұр. Команданың бас бапкері Энцо Маресканың шәкірттері көш бастап келе жатқан "Арсеналдан" тоғыз ұпай артта қалуда.