Энцо Мареска «Челсидегі» мәселелерге алаңдаулы

«Челси» тағы да сәтсіздікке ұшырады: команда сейсенбі күні Чемпиондар Лигасы аясында «Аталантаға» қарсы ойында 1:2 есебімен жеңіліс тапты. Энцо Мареска жетекшілігіндегі команда қатарынан төрт ойында жеңіске жете алмай келеді.

Бергамоға сапар алдында «көгілдірлер» «Борнмутпен» (0:0) және «Арсеналмен» (1:1) тең ойнап, «Лидсқа» (1:3) жеңілген болатын. «Мен әрқашан алаңдаймын.

Соңғы төрт ойында бар болғаны екі ұпай жинадық – бұл біздің күткен нәтижеміз емес. Жақсырақ ойын көрсетуіміз керек», – деді италиялық бапкер The Touchline басылымына берген сұхбатында.

13 желтоқсан, сенбі күні «Челси» Англия чемпионатының 16-турында өз алаңында «Эвертонға» қарсы ойын өткізеді.