Мадуэке: Арсенал Чемпиондар лигасы мен АПЛ-ды ұта алады

Арсенал клубының вингері Нони Мадуаке Чемпиондар лигасы аясында Брюгге командасын 3:0 есебімен жеңгеннен кейін сұхбат берді. Англиялық футболшы бұл ойында дубль жасап, кездесудің үздік ойыншысы деп танылды.

"Менің ойымша, біз Чемпиондар лигасын да, Англия Премьер-лигасын да жеңе аламыз. Бұл біздің басты мақсатымыз болуы тиіс.

Қазіргі уақытта жақсы позициядамыз, сондықтан осы жігерімізді жалғастыруымыз қажет. Біздің командамыз өте ынтымақты.

Арсеналда жоғары деңгейдегі футболшылар ойнайды, бірақ маңыздысы - бұл ұжымдық әрекеттер, жекелеген орындаушылар емес. Әрбір футболшы өз ролін жақсы біледі", – деді Мадуаке УЕФА баспасөз қызметіне берген сұхбатында.

"Канонирлер" жалпы кезеңде өткен алты турдан кейін 18 ұпаймен турнир кестесінде бірінші орынды иеленуде.