Трент «Реалдан» кетуді ойлап жүр және жаңа топ-клубты таңдады

Қорғаушы Трент Александер-Арнольд өткен жазда «Ливерпульден» кетіп, «Реал» сапына қосылған еді. Алайда оның Испаниядағы мансабы күткендей өрбімей жатыр — жарақаттар ағылшын футболшысын мазалауын қоймайды. Бұл туралы euro-football.ru хабарлайды .

Defensa Central мәліметінше, Трент «Реалдағы» жағдайына көңілі толмайды және жазғы трансфер терезесі алдында клубын ауыстыру бойынша қадамдар жасай бастаған. Дереккөзге қарағанда, Александер-Арнольдтың келесі бағыты «Бавария» болуы мүмкін.

Трансфердің жүзеге асуы үшін мадридтіктердің келісімі қажет екені айтылады: футболшының келісімшарты 2031 жылдың ортасына дейін күшінде, ал өтемақы құны 1 миллиард еуро болып белгіленген. «Реалда» болса Трент қайтадан жоғары деңгейіне оралып, команда үшін маңызды тұлғаға айналады деп сенеді.