«Манчестер Сити» алдағы жазғы трансферлік кезеңде жартылай қорғаныс шебін күшейтуді басты мақсаттарының бірі етіп қойды. Осы орайда команда «Байер» сапында өнер көрсетіп жүрген Иброхим Мазаның кандидатурасына қайта оралды.
Тегі алжирлік футболшы Германияда дүниеге келген және неміс футбол мектебінде тәрбиеленген. 20 жастағы креативті жартылай қорғанысшы өткен жылдың жазында да «Сити» скауттарының назарына іліккен болатын, алайда ол кезде «Байер Леверкузен» барлық бәсекелестерін басып озып, оны шамамен 12 миллион еуроға өз қатарына қалдырып қойған еді.
Енді «Манчестер Сити» оны иемдену үшін әрекетін қайта күшейтуде. Бірақ «Байер» өзінің жас жұлдызын жібергісі келмейді және келіссөздер процесін қиындатып отыр.
Мәліметтерге қарағанда, неміс клубы Маза үшін шамамен 70 миллион еуро талап етуде. Бұған дейін «Атлетико Мадридтің» 35 миллиондық ұсынысы қабыл алынбауы бұл футболшының қаншалықты жоғары бағаланатынын көрсетеді.
Маза «Байер» сапындағы дебюттік маусымында 38 кездесуге қатысып, 5 гол соқты және 6 нәтижелі пас берді. Оның ең жарқын сәті ретінде чемпиондар лигасындағы «Манчестер Ситиге» қарсы жеңісті ойында жасаған ассисті саналады.
Футболшы сол сәтті еске алып, бұл ойын оның өзі үшін ерекше маңызға ие болғанын атап өткен. Бұл жағдай «Ситидің» оған деген қызығушылығын одан сайын арттыра түсті.
Әзірге ағылшын клубы тек Мазамен шектеліп жатқан жоқ — Сандро Тонали, Кеннет Айхорн, Эллиот Андерсон және Матеуш Фернандеш сияқты үміткерлер де бақылауда тұр. Дегенмен, негізгі назар әлі де Мазаға бағытталған.
