Роберт Левандовски «Барселонадағы» командаластарын 100 ұпайлық межені бағындыруға шақырды. Шабуылшы Ла Лигада көш бастап тұрғанына қарамастан, тек чемпиондықпен шектеліп қалмауды сұрады.
Бұл туралы Goal.com хабарлайды.
Ол Тито Виланова мен Жозе Моуриньо орнатқан тарихи нәтижелерді қайталауды мақсат етіп отыр.
«Барселона» сенбі күні «Осасуна» үстінен 2:1 есебімен жеңіске жетіп, чемпиондыққа қарай маңызды қадам жасады. Левандовски 81-минутта есепті ашса, бес минуттан кейін Ферран Торрес басымдықты арттырды.
Қонақтар бір гол соққанымен, Каталония клубы өз басымдығын сақтап қалды.
Ойыннан кейін Левандовски команда өз қарқынын бәсеңдетпеуі керектігін атап өтті. Оның пікірінше, чемпиондық мерзімінен бұрын шешілсе де, қалған барлық кездесулерде жеңіске жету қажет.
Шабуылшы чемпиондықты тойлау керемет екенін, бірақ оған дейін артық сөйлемеу дұрыс екенін айтты.
Польшалық футболшы өзінің маусымдағы 18-голын соғуға көмектескен Маркус Рашфордтың пасын ерекше атап өтті. Ол айып алаңында доп қабылдап алу шабуылшы үшін өте маңызды екенін білдірді.
Сондай-ақ, ол кездесудің екінші бөлімінде команда жақсырақ ойнағанын қосты.
Қазіргі таңда 88 ұпаймен Ла Лигада көш бастап тұрған «Барселона» 100 ұпайлық межеге жету үшін қалған төрт ойында жеңіске жетуі керек. Ханси Флик шәкірттері алда «Реал Мадрид», «Депортиво Алавес», «Реал Бетис» және «Валенсияға» қарсы алаңға шығады.
“Zamin”-ді Telegram-нан оқыңыз!
