Каталониялық Барселона клубы Ньюкасл Юнайтед жұлдызы Энтони Гордонды өз қатарына қосу үшін ресми қадам жасады. Команданың бас бапкері Ханси Флик шабуыл шебін күшейту мақсатында ағылшын вингерін басты нысана ретінде қарастыруда. Хабарларға сәйкес, Барселона ойыншы үшін 80 миллион еуро және қосымша бонустар ұсынған. Бұл туралы Goal.com хабарлайды .
Клубтың спорттық директоры Деку мен Ханси Флик Гордонның талантына жоғары баға беруде. Олар футболшыны командада жалға ойнаған Маркус Рэшфордтың орнына лайықты үміткер деп санайды. Барселонаның Рэшфордты 30 миллион еуроға сатып алу құқығы болғанымен, басшылық жасырақ әрі жалақысы төмен Гордонды ұзақ мерзімді перспективада тиімдірек деп тапты.
Ньюкасл Юнайтед бас бапкері Эдди Хау маусым соңында Гордонды бірнеше ойында тізімнен тыс қалдырып, клуб оны сатуға дайындалып жатқанын меңзеген еді. Қазіргі таңда екі клуб арасында келіссөздер жүріп жатыр және каталониялықтар келісімді барынша тез аяқтауды көздеп отыр.
Энтони Гордон үшін таласта Бавария да басты үміткерлердің бірі болған еді. Алайда Мюнхен клубы 80 миллион еуролық бағаға қатысты екіұдай пікірде болғандықтан, Барселона жарыста алға шықты. Сондай-ақ, футболшыға Челси мен Арсенал сияқты клубтар да қызығушылық танытқан.
Естеріңізге сала кетейік, Гордон 2024 жылы Ливерпульге ауысуға өте жақын болған еді, бірақ сол кезде трансфер жүзеге аспай қалды. Енді Ливерпуль таластан шыққан тұста, футболшы үшін Испания чемпионатының есігі айқара ашылуда.
“Zamin”-ді Telegram-нан оқыңыз!
