Хакерлер BBC журналисіне ақша ұсынды

BBC-нің киберқауіпсіздік бойынша тілшісі Джо Тиди қылмыскерлерден ерекше ұсыныс алды. Олар журналистен жұмыс компьютеріне кіру құқығын сұрап, оның орнына көп мөлшерде ақша беруге дайын екенін айтқан.

Өзін «Medusa» деп таныстырған топ әуелі 15 пайыз үлес, кейін 25 пайызға дейін «сыйлық» уәде еткен. Мақсаттары – BBC деректерін ұрлап, компанияны өтемақы төлеуге мәжбүрлеу.

Хакерлер журналиске код жіберіп, оны компьютерінде іске қосуын сұраған. Сондай-ақ, оның телефонына көптеген сұраныстар жіберіп, аккаунттың құпия сөзін бұзуға тырысқан.

BBC ақпараттық қауіпсіздік бөлімі журналисті жүйеден уақытша ажыратып, қосымша қорғау шараларын қабылдады. Сарапшылар мұндай шабуылдардың барған сайын қауіпті болып бара жатқанын айтты.