Ресейде болашақтағы дыбыстан жүйрік жолаушылар ұшағының сыртқы түрі бекітілді. Жаңа лайнердің мұрын бөлігі өткір әрі түзу болады және дәстүрлі алдыңғы терезелермен жабдықталмайды.
Бұл туралы Ixbt.com хабарлайды.
ГосНИИАС маманы Андрей Поповтың айтуынша, ұшуды басқару кабинадан тікелей көру арқылы емес, арнайы мониторлар мен датчиктердің көмегімен жүзеге асырылады.
Ұшақ корпусы аэродинамикалық тұрғыдан айтарлықтай жетілдірілген пішінде жобаланған. Оның мұрын бөлігі «Ту-144» немесе «Concorde» модельдеріндегідей төмен түспейді.
Соған қарамастан, ұшқыштар үшін жердегі қозғалысты бақылау мақсатында бүйірлік терезелер сақталады. Ал жолаушылар үшін әдеттегі иллюминаторлар қарастырылған.
Институт мәліметінше, технологиялардың бір бөлігі қазірдің өзінде жасалып, арнайы стендтерде сынақтан өткізілген. Сондай-ақ, бұл жүйелер «Як-40» ұшағы базасындағы ұшу демонстраторында іс жүзінде сыналды.
“Zamin”-ді Telegram-нан оқыңыз!
