«Google» корпорациясының 560-тан астам қызметкері, соның ішінде «DeepMind» бөлімшесінің басшылары мен жетекші зерттеушілері бас директор Сундар Пичайға ашық хат жолдады. Олар компанияны жасанды интеллектпен байланысты құпия әскери жобаларға қатысуды тоқтатуға шақырды.
Бұл туралы Ixbt.com хабарлайды.
«Financial Times» басылымының хабарлауынша, үндеуге 20-дан астам директор мен вице-президент қол қойған. Қызметкерлер құпия жобалармен жұмыс істеу технологияларды әзірлеушілердің бақылауынан шығарып жіберуі және күтпеген қауіптер тудыруы мүмкін екеніне алаңдаулы.
Хат авторлары мұндай жобалар автономды қару-жарақ немесе жаппай бақылау жүйелерін жасауға әкеп соғуы мүмкін екенін атап өтуде. Олардың айтуынша, жабық желілерде жұмыс істеу жасанды интеллект жүйелерінің қандай мақсатта қолданылып жатқанын мониторингтеу мүмкіндігін жоққа шығарады.
Наразылыққа «Google» мен АҚШ Қорғаныс министрлігі арасындағы ықтимал келісім себеп болған. Оған сәйкес, «Gemini» моделі құпия операцияларда қолданылуы мүмкін.
Қызметкерлер жасанды интеллект тек адамзат игілігі үшін қызмет етуі және адамгершілікке жат мақсаттарда пайдаланылмауы тиіс екенін білдірді.
“Zamin”-ді Telegram-нан оқыңыз!
