Tölem giganty Visa jasalma intellektke negizdelgen Replit kodtaý platformasyna investitsiya salǵanyn jarıyalady. Taraptar Visa tölem ónimderin Replit júıesine integratsiyalau múmkindikterin zertteýde. Bul arqyly baǵdarlamashylar men olar jasaǵan jasalma intellekt agentteri platformadan shyqpaı-aq tutynushylardan tölemderdi qabyldaı alady. Qazirgi tańda Visa-nyń 1000-nen astam qyzmetkeri prototipteý jáne baǵdarlamalyq qamtamasyz etýdi jasaýda Replit qyzmetin paıdalanatyny habarlandy. Bul týraly Techcrunch.com habarlaıdy.
Seriktestik aıasynda Replit paıdalanushylarynyń Visa Intelligent Commerce jáne Visa Trusted Agent Protocol júıelerin qoldanýy kútilýde. Bul tehnologiyalar jasalma intellekt agentterine óz jekeligin qaýipsiz rastaýǵa jáne tranzaktsiyalardy senimdi júzege asyrýǵa múmkindik beredi. Qazirgi tańda jobalar zertteý satysynda, resmı ortaq ónimder áli usynylǵan joq. Bul qadam jasalma intellekt agentteri paıdalanushylar atynan satyp alýlar jasaıtyn «agenttik tölemder» ınfraqurylymyn qurý jarysynyń bir bóligi bolyp tabylady.
Replit negizin qalaýshy jáne bas dırektory Amjad Masadtyń aıtýynsha, Visa-men seriktestik kodtaýdy barlyǵy úshin qaýipsiz jáne qolaıly etý mındetin nyǵaıtady. Sondaı-aq, platforma iri kásiporyndar úshin ózin-ózi qyzmet kórsetý (self-serve) funktsiyasyn iske qosty. Endi kompanıyalary saýda ókilderimen baılanyspaı-aq, 200 000 dollarǵa deıingi kelisimsharttardy onlaın qol qoıa alady. Bul paket SSO (biryńǵaı kirý júıesi) jáne keńeıtilgen audıt jurnaldary sıyaqty korporatıvti qaýipsizdik quraldaryn qamtıdy.
Sońǵy ýaqytta Replit, Cursor jáne Lovable sıyaqty platformalarǵa suranystyń artýymen olardyń naryqtyq quny da keskin kóterildi. Ótken jyldyń qyrkúieginde 3 mıllıard dollarǵa baǵalanǵan Replit, aǵymdaǵy jyldyń naýryz aıynda Georgian Partners jetekshiligindegi ınvestıtsıyalary raundynan keıin óz qunyn 9 mıllıard dollarǵa jetkizdi. Masadtyń aıtýynsha, tutynushylardyń platformada qalý kórsetkishi (retention) óte joǵary jáne keıbir jaǵdaılarda 300 paıyzdy qurap otyr.
“Zamin”-ді Telegram-нан оқыңыз!
