Күн белсенділігі соңғы 10 000 жылдағы ең жоғары деңгейге жетті

Ғалымдар күн археологиясы саласында айтарлықтай жетістіктерге жетіп, Күннің соңғы 10 мың жылдағы белсенділік деңгейін анықтады. Ресей Ғылым академиясының Ғарыштық зерттеулер институтының зертхана меңгерушісі Сергей Богачевтің айтуынша, қазіргі уақытта біздің жұлдыз өзінің максималды белсенділік кезеңінде тұр. Бұл туралы Ixbt.com хабарлайды .

Зерттеушілер өткендегі күн жарқырауларының Жерде қалдырған іздерін зерттеу арқылы тарихи көріністі қалпына келтірді. Кәдімгі археология сияқты, бұл әдіс жүздеген және мыңдаған жылдар бұрын Күнде қандай процестер жүргенін түсінуге мүмкіндік береді. Алынған мәліметтер 10 мың жылдық масштабта қазіргі белсенділік деңгейінің өте жоғары екенін көрсетеді.

Сондай-ақ, күн белсенділігі кейде ондаған жылдар бойы «тоқтап» қалатыны белгілі болды. Мысалы, XVIII ғасырдың басындағы Маундер минимумы кезінде күн белсенділігі күрт төмендеп, бұл Жерде қатты суытумен қатар жүрді. Ғалымдар мұндай құбылыстардың сирек емес екенін және олардың мезгіл-мезгіл қайталанып тұратынын атап өтті.

Естеріңізге сала кетейік, бұған дейін астрономдар Күн белсенділігінің келесі төмендеу кезеңі 2030 жылға қарай байқалатынын болжаған болатын. Қазіргі жоғары белсенділік кезеңі ғарыш ауа райына және Жердің магнит өрісіне өз әсерін тигізуді жалғастыруда.