Digital Chat Station insayderiniń habarlaýynsha, Vivo kompaniyasy qazirgi tańda eski smartfon modelleri úshin akkumulyatorlardy aýystyryp berý qyzmetin iske qosý múmkindigin zertteýde. Bul bastama aıasynda paıdalanýshylar óz qurylǵylaryndaǵy eski batareyalardy jańa Blue Ocean tehnologiýasy negizindegi qýat elementterine aýystyra alady. Bul týraly Ixbt.com habarlaıdy .
Eń qyzyqty tustyń biri – jańa akkumulyatorlardyń syıymdylyǵy originaldy elementterge qaraǵanda 500-den 1500 mAs-qa deıin kóbirek bolady dep kútilýde. Bul eski smartfonlardyń avtonomdy jumys isteý ýaqytyn sezilerlik deńgeıde arttyryp, olardyń qyzmet etý merzimine ekinshi ómir syılaıdy.
Sarapshylardyń pikirinshe, jady chipteriniń baǵasy ósip, smartfondardy paıdalaný merzimi uzaryp jatqan tusynda, óndirýshiler úshin jańa modeller shyǵarý ǵana emes, satylǵan qurylǵylardyń qyzmet etý merzimine deıin uzartý mańyzdy strategııalyq baǵytqa aınalýda. Mundaı servistik qyzmetter naryqtaǵy básekeniń jańa kezeńi bolýy múmkin.
Budan buryn Xiaomi de osyǵan uqsas baǵdarlamany Xiaomi 13 serııasy úshin iske qosqan bolatyn. Mysaly, Xiaomi 13 modeliniń batareıasy 4500-den 4850 mAs-qa deıin, al Xiaomi 13 Ultra modeliniki 5000-den 5500 mAs-qa deıin arttyryldy. Vivo da bul tájirıbeni keńirek aýqymda qoldanýdy josparlap otyr.
“Zamin”-ді Telegram-нан оқыңыз!
