Reddit форумының Ok_Study_592 никнеймді қолданушысы Google компаниясының ресми сервис орталығына қатысты мәселе туралы айтып берді. Ол өзінің Pixel 9 Pro смартфонын экрандағы тік жасыл сызықтар — белгілі бір зауыттық ақау себебінен жөндеуге жіберген болатын. Бұл туралы Ixbt.com хабарлайды .
Бұл ақау Google тарапынан ресми түрде мойындалған және ол кеңейтілген кепілдік бағдарламасының (Extended Repair Program) аясына кіреді. Алайда, сервис орталығы күтпеген жерден смартфонды тегін жөндеуден бас тартты. Құрылғы иесінің айтуынша, телефонда ешқандай соққы, су тию немесе басқа да сыртқы зақымдану белгілері жоқ.
Диагностика нәтижелері бойынша Google қолданушыға 489 доллар көлемінде шот-фактура жіберді. Қызығы сол, жүйе ақауды дисплей дефектісі ретінде емес, телефон қоңырауларына қатысты мәселе деп қате жіктеген. Қолданушы қолдау қызметіне жүгінгенімен, әзірге шешімді қайта қаратуға қол жеткізе алмады.
Жағдайды одан сайын қиындатып тұрғаны — клиент жөндеу ақысын төлемейінше немесе дауды басқа жолмен шешпейінше, Google смартфонды иесіне қайтармай отыр. Қолданушы бұл жағдайға байланысты АҚШ-тың тұтынушылар құқығын қорғау ұйымдарына жүгінетінін мәлімдеді.
Бұл оқиға Google сервис қызметінің жұмысына қатысты кезекті шағымдарға себеп болды. Көптеген қолданушылар тіпті кепілдік аясындағы жағдайларда да сервис орталықтарымен ұзаққа созылатын және жүйкеге тиетін процестерге тап болып жатқандарын айтуда.
“Zamin”-ді Telegram-нан оқыңыз!
