Сырдария облысында ішінде төрт жолаушысы бар жеңіл автокөлік каналға түсіп кетті. Жол-көлік оқиғасы салдарынан жолаушылардың барлығы оқиға орнында қаза тапты, ал жүргізуші суға батып бара жатқан көліктен шығып үлгерген. Бұл туралы podrobno.uz хабарлады.хабарлайды.
Облыстық ІІБ мәліметінше, оқиға 26 желтоқсанда сағат 23:30-да (Ташкент уақытымен) болған. Жүргізуші футбол ойынынан кейін стадионнан шығып, төрт танысын үйлеріне жеткізу үшін жолға шыққан. Жолда ол басқаруды жоғалтып, автокөлік жолаушыларымен бірге каналға сырғып түскен.
Қаза тапқандар 19–20 жастағы төрт жігіт, олардың барлығы бір аумақта тұрғаны атап өтілді.
Аталған дерек бойынша Қылмыстық кодекстің 266-бабы (жол қозғалысы немесе көлік құралдарын пайдалану қауіпсіздігі қағидаларын бұзу, адамдардың өліміне әкеп соғу) бойынша қылмыстық іс қозғалды. Тергеу әрекеттері жүргізілуде.
“Zamin”-ді Telegram-нан оқыңыз!
«Меҳмон» тобындағы келушілер бұл жарияланымға пікір қалдыра алмайды.
