Ферғана облыстық ІІБ-не жаңа басшы тағайындалды

Ферғана облыстық Ішкі істер басқармасында кадрлар бойынша өзгеріс жүзеге асырылды. Аюбхон Рахматуллаев облыстық ІІБ бастығы қызметіне тағайындалды.

Ақпаратқа қарағанда, ол осы тағайындауға дейін ішкі істер министрінің бірінші орынбасары, сондай-ақ жедел-іздестіру департаментінің басшысы болып жұмыс істеген.

Сонымен қатар, Ферғана облыстық ІІБ-ны басқарған Азизбек Икрамов басқа жауапты қызметке ауыстырылды. Ол Төтенше жағдайлар министрі болып тағайындалды.