Америкалик актёр Кевин Костнер АҚШнинг собиқ президенти Билл Клинтон ролини ижро этиш имкониятини муҳокама қилмоқда. Бу рол сиёсий драма жанридаги "United" сериалида намойиш этилади.
Мазкур лойиҳа ҳозирда бошланғич ишлаб чиқиш босқичида бўлиб, БМТ билан ҳамкорликда амалга оширилмоқда. Костнер нафақат актёр сифатида, балки Леонардо ДиКаприо билан биргаликда ижрочи продюсер сифатида ҳам лойиҳада иштирок этади.
Сериал сценарийси ва режиссёри "Night Hunter" фильми билан танилган Девид Рэймондга топширилган. "United"да инсонпарварлик соҳасида фаолият юритаётган ва дунёни яхшилашга интилаётган ходимларнинг ҳақиқий ҳикоялари ёритилади.
Сераяни ишлаб чиқариш билан Appian Way, Onwards Studios ва Prime Focus DNEG студиялари шуғулланади, тарқатиш ҳуқуқи эса Fifth Season компаниясига тегишли. Кевин Костнер яқинда ўзи суратга олган ва бош ролни ижро этган катта ҳажмдаги "Horizon: An American Saga" вестерн фильми билан ҳам эътиборга тушган эди.
Фильмнинг биринчи қисми 2024-йилда Канн кинофестивалида тақдим этилган, иккинчи қисми эса Венецияда намойиш қилинган бўлиб, ҳозирда кинотеатрларда чиқиши кутилмоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
