Актёр Том Круз Шон Леви ишлаётган “Юлдузлар жанги: Юлдузли қирувчи” фильмининг суратга олиш майдончасига ташриф буюриб, техник жараёнда ҳам қатнашди. IGN хабарига кўра, у ёруғлик қиличлари билан кечадиган дуэл эпизодини тасвирга олишда камерани шахсан ўзи бошқарган. Бу ҳақда kursiv.uz хабар беради.
Режиссёр Шон Леви вазиятни киноя билан изоҳлади: “Ўтган ҳафта бу ерда Стивен Спилберг бўлган эди. Энди эса Том Круз камерани ўйнатиб, жуда яхши туфлиларини бузяпти”.
Крузнинг ташрифи фильм сюжети бўйича айрим тафсилотларни ҳам ошкор қилди: лойиҳа аввалига жедайларга алоқаси бўлмаган учувчилар ҳақидаги ҳикоя сифатида тақдим этилган, бироқ энди ёруғлик қиличлари жанги саҳнаси мавжудлиги маълум бўлди.
Картинада Райан Гослинг, Метт Смит ва Миа Гот роллар ижро этади. “Юлдузлар жанги: Юлдузли қирувчи” премьераси 2027 йил 28 майга белгиланган.
“Zamin”ни Telegram'да ўқинг!
