Afg‘onistonning Juzjon viloyatidagi Shibirg‘on shahrida xavfsizlik kuchlari IShID terrorchilik tashkilotining yuqori nufuzli dala qo‘mondoni Sherzod Anvarovni qo‘lga olishdi. Xabar qilinishicha, asli kelib chiqishi o‘zbekistonlik bo‘lgan bu shaxs IShIDning 36 jangarisiga rahbarlik qilgan.
Juzjon viloyati ma’muriyati vakili Muhammad Rizo G‘afforiyning xabar berishicha, asli kelib chiqishi o‘zbekistonlik bo‘lgan dala qo‘mondoni Sherzod Anvarov Shibirg‘on shahrida ushlangan.
«U IShIDning Juzjon viloyatidagi yetakchilaridan biri bo‘lgan. Tergov davomida u IShIDning Juzjondagi dala qo‘mondonlaridan biri sanalishini tan oldi. Sherzod Anvarov Shibirg‘on orqali Markaziy Osiyodagi respublikalardan biriga chiqib ketishni rejalashtirgan. Biroq, u aynan qaysi mamlakatga bormoqchi bo‘lgani hozircha aniqlanmadi», – deya xabar bergan Muhammad Rizo G‘afforiy.
Uning so‘zlariga ko‘ra, Juzjon viloyatida IShIDning asli kelib chiqishi afg‘onistonlik va o‘zbekistonlik bo‘lgan bir necha dala qo‘mondoni bor.
«IShIDning Juzjon viloyatidagi faoliyati uchun afg‘onistonlik Qori Hikmat, Mufti Ne’mat va o‘zbekistonlik Sherzod Anvarov javobgar sanaladi. Sherzod Anvarov – IShIDning so‘nggi vaqt ichida qo‘lga olingan uchinchi jangarisi. Avvalroq Bag‘lon va Sangan viloyatida mahalliy politsiya tomonidan terrorchilik guruhining yana ikki jangarisi – Muqim hamda Xushmuhammad qo‘lga olingandi», – deya aytib o‘tdi Muhammad Rizo G‘afforiy.
Manba: kun.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Vladimir Putin «Krokus»da sodir etilgan terakt uchun o‘ch olishga chaqirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Amerikalik olimlar barcha uchun birdek foydali jismoniy faollik turini aniqladi
Qaysi kundalik odatlar immunitet pasayishiga olib kelishini bilasizmi?
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Rossiya dunyodagi birinchi vodorod yoqilg‘ili avtomobilni taqdim etdi
Germaniyada maktab o‘quvchilari ommaviy ravishda islom dinini qabul qilmoqda