6 496
Xayrullo Hamidov she’ri: “Masjid uchun topilmas illo, namozxon boladan go‘zalroq bezak!”
Qadim zamonlarda bo‘lgan voqea
Yurakka ajib bir oroyish berdi:
Podsho katta sovrin qo‘yib o‘rtaga,
Masjidni bezashga farmoyish berdi.
Aytdi: «Kim eng buyuk ziynat keltirsa,
Masjidni bezasa o‘sha matoh-la,
Mening mukofotim katta bo‘lar... va
Alloh ajrlagay jannatiy bog‘-la!»
Kimdir ustun uchun bezak, kim esa,
Mezana to‘riga keltirdi tillo.
Xonai tuhurga kim qayg‘u yesa,
Kim siyoh ulashdi, yozishga imlo.
Podsho kuzatardi avomni sokin --
Zarga chayilgandi har toshu kesak,
Rozi bo‘lolmadi bulardan lokin,
Uning xayolida antiqa bezak.
Bu shunday bezakki, inson hayoti
Ko‘rsin to o‘lguncha chashmi ziyoni.
Odamlar bu rangni ko‘rgan zahoti,
Unutib qo‘ysinlar ikki dunyoni!
... Bir zot kirib keldi kurash avjiga,
Meni g‘olib denglar, dedi joy olib.
Va, kiringlar, dedi... Masjid ichiga
Murg‘ak ikki bola kirdi uyalib.
O‘rnidan qo‘zg‘alib ketdi shahanshoh,
Bu zo‘r topqirlikka chalvordi qarsak.
Dedi: «Masjid uchun topilmas illo
Namozxon boladan go‘zalroq bezak!».
Manba: Azon.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
