5 109
Bemor boʻlishning bir yaxshi tomoni bor — oʻylashga, mushohada qilishga vaqtingiz bemalol boʻlar ekan. Maʼlumki, odamzod tana va ruh (jon)dan iborat boʻladi. Olimlar oʻlim toʻshagida yotgan turli yoshdagi olti ming odamni tekshirib koʻrib shunday x
Bemor boʻlishning bir yaxshi tomoni bor — oʻylashga, mushohada qilishga vaqtingiz bemalol boʻlar ekan. Maʼlumki, odamzod tana va ruh (jon)dan iborat boʻladi.
Olimlar oʻlim toʻshagida yotgan turli yoshdagi olti ming odamni tekshirib koʻrib shunday xulosaga kelgan: bemorning joni uzilgan payti murda 0,04 gramm yengillasharkan. Demak, jonning ogʻirligi 0,04 gramm kelarkan. Shunisi qiziqki, yangi tugʻilgan chaqaloq oʻladimi, 90 yoshli chol oʻladimi, ogʻirligi bir xil — 0,04 gramm. Demak, ruh qarimaydigan, tanaga boʻysunmaydigan, alohida yaralgan substansiya ekan. Oʻylab koʻrsam, butun jamiyat ana shu substansiya uchun ishlar ekan. Ogʻir va yengil sanoat, transport, qurilish, oziq-ovqat sanoati, bichish-tikish, sartaroshxona va goʻzallik salonlari, restoranlar, poliklinikayu kasalxonalar tanamizga xizmat qilar ekan. Bularning hech biri ruhimizga kerak emas!
Qimmatbaho xorij mashinalarini minamiz, 80-90 kilo keladigan goʻshtimizni u yoqdan-bu yoqqa olib borish uchun kerak, ruhimizga keragi yoʻq — u uchib yuradi. Sovuq yeganimiz uchun kiyinamiz, ruh esa sovuq ham yemaydi, isib ham ketmaydi. Tanamiz uchun qor-yomgʻirdan toʻsadigan bir boshpana kerak, ruh uchun mutlaqo keragi yoʻq. Ruhga tilla taqinchoqlar ham kerak emas. Hatto armiya ham tanamizga xizmat qiladi — u yer-bu yerimizga oʻq tegishidan, tanamiz portlab ketishidan asraydi.
Xoʻsh, ruhimizga nima xizmat qiladi? Ruhning “oziqa”si nima? Qoʻsha-qoʻsha naqshinkor imoratlar, yaltir-yultir kiyim-kechak, duru gavhar kerak boʻlmasa, unda ruh uchun nima kerak?
Ruhimiz u qadar injiq emas. Uning “non”i — Allohning kalomiyu adabiyot va sanʼat.
Shu payt xayol surishning beliga tepib, hamshira kelib qoldi:
— Kapilnitsa olami-iz!..
Ignadan ilma-teshik boʻlib ketgan bilagimga yana igna tiqib chiqib ketdi.
Bular tagʻin tanamni davolashyapti…
Sharof BOSHBЕKOV
Manba: Oila davrasida “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya dunyodagi birinchi vodorod yoqilg‘ili avtomobilni taqdim etdi
Vladimir Putin «Krokus»da sodir etilgan terakt uchun o‘ch olishga chaqirdi
Toshkentda 02 kodli avtoraqamlar taxminan qachon paydo bo‘lishi aytildi
Amerikalik olimlar barcha uchun birdek foydali jismoniy faollik turini aniqladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
