Eng vahshiy qotillik! Marhum 101 marta pichoqlanib, “chalajon” holatida ichki ta’na a’zolari iste’mol uchun sug‘urib olindi

  • 16 iyul 2019, 13:16
  • 8 626
  • Jamiyat
  • Eng vahshiy qotillik! Marhum 101 marta pichoqlanib, “chalajon” holatida ichki ta’na a’zolari iste’mol uchun sug‘urib olindi
    Surxondaryoda o‘zining jismoniy quvvatini oshirish uchun 27 yoshli yigit, inson tanasi ichki a’zolarini iste’mol qilishni maqsad qilib, qo‘shnisini 101 marta pichoqladi va uni azoblab, qiynab o‘ldirdi.

    “Jahon.uz” axborot portali qo‘lga kiritgan 1-19-1901/19-sonli jinoyat ishi hujjatlarida qasddan o‘ldirilgan, o‘ldirilayotgan onlarda hali jon taslim qilmagan B.Ch.ni oldi qorin qismi kesilib, ichki ta’na a’zolari ya’ni, yuragi, o‘pkasi sug‘urib olingan.

    Yurak va o‘pkani yeyish maqsadida chalajon inson ichki tana qismidan yulib olgan 27 yoshli A.A. 1992 yil 31 mart kuni Surxondaryo viloyati Denov tumanida tug‘ilgan.

    2019 yilning 21 fevral kuni qo‘shnisini sayr qilish bahonasida ko‘chaga aldab chaqirib, uni fermer xo‘jaligiga qarashli yer maydoniga aldab olib borgan hamda yuqorida aytib o‘tganimizdek, 101 marta pichoq bilan zarba berib, azoblab, qiynab o‘ldirgan.

    Hali B.Ch.da hayotiylik belgilari mavjud bo‘lsa-da, qilmishi fosh bo‘lmasligi uchun, uni tiriklayin shu hududdan oqib o‘tgan ariqdagi suvga tashlab, ustidan tosh bostirib, o‘ta shafqatsizlarcha o‘ldirib voqea joyidan yashiringan.

    Ushbu jinoyat uzoq vaqt o‘tmasdan A.A.ning uydagilari tomonidan fosh qilindi va ular IIB xodimlariga xabar berishdi. Ichki ishlar xodimlari jinoyat quroli bo‘lgan pichoqni olishgan bir paytda, qotil uydagi shkaf tepasida turgan marhumning ichki a’zolarini ham o‘zi ko‘rsatgan.

    Ushbu holat yuzasidan tezkorlik bilan jinoyat ishi ochilib, Surxondaryo viloyati prokuraturasi tomonidan O‘zbekiston Respublikasi Jinoyat Kodeksining 97-moddasi “j,n” bandlari bilan ish qo‘zg‘atilgan.

    » » Eng vahshiy qotillik! Marhum 101 marta pichoqlanib, “chalajon” holatida ichki ta’na a’zolari iste’mol uchun sug‘urib olindi