“Huquqiy axborot” kanali yurtimizda 22 dekabr kuni bo‘lib o‘tadigan Oliy Majlisning Qonunchilik palatasi, viloyat, shahar va tumanlar kengashlariga saylovlarda ovoz berish tartibi haqida ma’lumotnoma tayyorladi.
1. Ovoz berish vaqti va joyini qayerdan bilsa bo‘ladi?
Bu haqda uchastka saylov komissiyasi saylovchilarni saylovdan kamida 10 kun oldin xabardor qiladi.
2. Ovoz berish qachon o‘tkaziladi?
Saylov kuni (22 dekabr) soat 8.00 dan 20.00 gacha ovoz berish mumkin.
3. Ovoz berish uchun shaxsni tasdiqlovchi hujjat shartmi?
Ha, shart. Saylovchi uchastka saylov komissiyasining a’zosiga o‘z shaxsini tasdiqlovchi hujjatni ko‘rsatib, saylovchilar ro‘yxatiga imzo qo‘ygandan so‘ng unga saylov byulleteni beriladi.
4. Fuqaroning familiyasi saylovchilar ro‘yxatida bo‘lmasa, nima bo‘ladi?
Bunday holda saylovchi shaxsi, fuqaroligi va yashash joyini tasdiqlovchi hujjati asosida saylovchilar ro‘yxatining ilovasiga kiritiladi va unga saylov byulleteni beriladi.
5. Ovoz berish vaqtida saylov byulleteni buzib qo‘yilsa-chi?
Saylovchining iltimosiga ko‘ra, yangisiga almashtirilishi mumkin.
6. Ovoz berish xonasiga yaqin qarindoshlar birga kirsa bo‘ladimi?
Ovoz berish xonasida saylov byulletenini to‘ldirish chog‘ida ovoz beruvchi shaxsdan boshqa shaxslarning bo‘lishi taqiqlanadi.
7. Saylovchi byulletenni mustaqil ravishda to‘ldirish imkoniyatiga ega bo‘lmasa-chi?
Bunday holda saylovchi o‘z xohishiga ko‘ra yashirin ovoz berish xonasiga boshqa shaxsni taklif qilishga haqli. Saylov komissiyasi tarkibiga kiradigan shaxslar, kuzatuvchilar va ommaviy axborot vositalari vakillari bundan mustasno.
8. Vaqtincha yashash joyi bo‘yicha ham saylovda ishtirok etish mumkinmi?
Ha mumkin. Saylov kuniga qadar yoki saylov kuni 18 yoshga to‘lgan fuqarolar doimiy yoki vaqtincha yashash joylaridagi saylov uchastkasida ovoz berishi mumkin.
9. Kasalligi yoki boshqa sabablarga ko‘ra ovoz berishga kela olmagan saylovchilar nima qiladi?
Tegishli komissiyaning kamida 2 nafar a’zosi ko‘chma saylov qutisi bilan saylovchining turgan joyiga boradi.
10. Kimlar ovoz berish huquqiga ega emas?
- sud tomonidan muomalaga layoqatsiz deb topilgan;
- og‘ir va o‘ta og‘ir jinoyatlar sodir etganligi uchun sudning hukmi bilan ozodlikdan mahrum etish joylarida saqlanayotgan shaxslar. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Nebenzya G‘arbning BMT Xavfsizlik Kengashidagi nutqini ikkiyuzlamachilik paradi deb atadi
Eron Isroilga hujum uyushtirdi. Endi urush boshlanadimi?..
Davlat xavfsizlik xizmati maklerlarga qo‘shib mansabdorlarni ham qo‘lga oldi
Buxoro viloyatida «Neksiya-3» avtomashinasi buklanib qoldi
“Tolibon” Eronning Isroilga qarshi hujumini qo‘llab-quvvatladi
Pentagonning sobiq tahlilchisi G‘arb nega Ukrainada tinchlik istamasligini tushuntirdi
Eronning Isroilga hujumi shunchaki spektakl edimi?..
Mojarodan so‘ng Ukrainani nima kutayotgani ma’lum bo‘ldi
