2024-yilda O‘zbekistonda 926,4 ming nafar chaqaloq tug‘ilgan, deb xabar bermoqda “Oila va gender” ilmiy-tadqiqot instituti. Bu esa har 34 soniyada bitta chaqaloq tug‘ilayotganini anglatadi.
Statistikaga ko‘ra, har kuni o‘rtacha 2 531 nafar, har soatda 105 nafar, har daqiqada 2 nafar bola dunyoga kelmoqda.
Qiyosiy raqamlar: har daqiqada Qozog‘istonda – 0,6, Tojikistonda – 0,5, Qirg‘izistonda – 0,3, Turkiyada – 3, Xitoyda – 17,1, Hindistonda – 43,6, Germaniya va Fransiyada esa 1,4 nafardan bola tug‘iladi.
Institutning izohiga ko‘ra, bu shunchaki statistika emas. Bu raqamlar O‘zbekistonda oila institutining mustahkamlanayotgani, yoshlar ulushi yuqoriligi, demografik dividend davri davom etayotganini va mehnat bozori, ta’lim hamda ijtimoiy infratuzilmaga bo‘lgan talab ortishini anglatadi.
Manba: Uz24.uz
“Zamin”ni Telegramʻda oʻqing!
