Jahon banki ekspertlariga ko‘ra, dunyoda mol go‘shti narxi misli ko‘rilmagan darajada oshib ketdi. Bu holat 1960 yildan buyon kuzatilgan eng yuqori ko‘rsatkich sifatida qayd etildim, deb UPL.uz xabar berdi.
Ma’lumotlarga ko‘ra, 2025 yil sentabr oyida mol go‘shtining bir kilogrammi o‘rtacha 6,9 dollarni (taxminan 85 000 so‘m) tashkil etdi. Bu ko‘rsatkich oxirgi to‘rt oy davomida uzluksiz o‘sib bormoqda.
Avgustdan sentabrgacha yana 0,6% ga oshgan bo‘lsa, yillik o‘sish deyarli 10% ga yaqinlashgan. Asosiy sabablar sifatida taklif kamayishi va talab oshishi ko‘rsatilmoqda.
Mol go‘shti narxiga bir nechta omillar ta’sir qilmoqda: chorvachilikda ishlab chiqarish tsiklining uzoqligi, umumiy inflyatsiya, AQSh va Xitoyda iste’mol talabining kuchayishi, sut mahsulotlari raqobatbardosh bo‘la olmay qolgani sababli so‘yishga yuborilayotgan hayvonlar soni kamaymoqda.
Bundan tashqari, qurg‘oqchilik sababli yaylovlar kamayib, yem narxi oshmoqda. AQShda sigirlar soni 1951 yildan beri eng past darajaga tushib ketdi.
“Zamin”ni Telegramʻda oʻqing!
