O‘zbekiston futzal termasi o‘rtoqlik o‘yinida Eronga mag‘lub bo‘ldi

  • 29 avgust 2016, 12:32
  • 3 957
  • Sport
  • O‘zbekiston futzal termasi o‘rtoqlik o‘yinida Eronga mag‘lub bo‘ldi

    Futzal bo‘yicha O‘zbekiston terma jamoasi Erondagi o‘quv-mashg‘ulot yig‘ini doirasida Eron terma jamoasiga qarshi ilk o‘rtoqlik uchrashuvini o‘tkazdi.

    Eronga qarshi rejalashtirilgan o‘rtoqlik uchrashuvlarining birinchisida mezbonlar biroz ustunlik qilishdi va ikkinchi bo‘limda kiritilgan javobsiz uchta gol evaziga g‘alaba qozonishdi. Bu haqda O‘FF matbut xizmati ma’lum qildi.

    O‘yinning dastlabki bo‘limida asosan qarshi hujum taktikasida to‘p surgan Xose Mariya Mendez jamoasi bir qator hafvli vaziyatlarni yaratdi, ammo imkoniyatlardan foydalana olmadi. O‘yinning ikkinchi taymida eronlik futzalchilar faolroq harakat qilishdi va yakunda yirik – 3:0 hisobida g‘alaba qozonishdi. Terma jamoalar o‘rtasidagi ikkinchi o‘rtoqlik o‘yini 29 avgust kuni bo‘lib o‘tadi.

    Ta’kidlash joiz, mazkur o‘yinlar har ikkala terma jamoa uchun ham sentyabr oyida Kolumbiyada start oladigan futzal bo‘yicha Jahon chempionati bahslariga tayyorgarlik vazifasini o‘taydi.

    O‘rtoqlik uchrashuvi

    28 avgust. Mashhad, Eron

    Eron – O‘zbekiston 3:0 (0:0)

    Gollar: Farhod Tavakkoli (24), Muhammad Tohiriy (31), Muhammad Keshavarz (34)

    Chetlatishlar: Ahmad Ismoilpur – Javlon Anorov, Konstantin Sviridov, Farhod Abdumavlonov.

    » » O‘zbekiston futzal termasi o‘rtoqlik o‘yinida Eronga mag‘lub bo‘ldi