U-23 Osiyo chempionatiga qur’a tashlandi: O‘zbekistonning guruhdagi raqiblari aniq bo‘ldi

  • 24 oktyabr 2017, 21:31
  • 4 260
  • Sport
  • U-23 Osiyo chempionatiga qur’a tashlandi: O‘zbekistonning guruhdagi raqiblari aniq bo‘ldi
    Xitoyning Chanchjou shahridagi Trader Fudu mehmonxonasida bugun, 24 oktyabr kuni U-23 Osiyo chempionati–2018 guruh bosqichiga qur’a tashlash marosimi bo‘lib o‘tdi.
    Qit’a birinchiligiga 16 ta jamoa yo‘llanma olgan edi. Ular reytingiga mos ravishda quyidagi savatchalarga ajratilgandi.

    1-savatcha: Xitoy (mezbon), Yaponiya, Janubiy Koreya, Iroq;

    2-savatcha: Qatar, Iordaniya, KXDR, Avstraliya;

    3-savatcha: O‘zbekiston, Suriya, Saudiya Arabistoni, Tailand;

    4-savatcha: Vetnam, Ummon, Falastin, Malayziya.

    Bo‘lib o‘tgan qur’a natijasiga ko‘ra, O‘zbekiston U-23 termasi “A” guruhidan joy oldi. Ravshan Haydarov shogirdlari guruh bosqichida Xitoy, Qatar va Ummon bilan kuch sinashadigan bo‘ldi. Qolgan guruhlar quyidagi ko‘rinishni oldi:

    “A” guruhi: Xitoy, Qatar, O‘zbekiston, Ummon;

    “B” guruhi: Yaponiya, KXDR, Tailand, Falastin;

    “C” guruhi: Iroq, Iordaniya, Saudiya Arabistoni, Malayziya;

    “D” guruhi: Janubiy Koreya, Avstraliya, Suriya, Vetnam.

    Ma’lumot uchun, U-23 Osiyo chempionati 2018 yilning 9–27 yanvar kunlari Xitoyda bo‘lib o‘tadi. Ravshan Haydarov bosh murabbiyligidagi O‘zbekiston U-23 terma jamoasi BAAda bo‘lib o‘tgan saralash bosqichi “D” guruhida 1-o‘rinni egallagan holda Xitoydagi Osiyo chempionati–2018 musobaqasiga yo‘llanmani qo‘lga kiritgandi.

    Manba: www.the-uff.com

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » U-23 Osiyo chempionatiga qur’a tashlandi: O‘zbekistonning guruhdagi raqiblari aniq bo‘ldi