Osiyo futbol konfederatsiyasining rasmiy sahifasi boʻlgan the-afc.com, Shayx Salmon bin Ibrohim al-Xalifaning Toshkentda oʻtkazilgan OFK Ijroqoʻmining yigʻilishida aytgan soʻzlari haqida maqola eʼlon qildi.
Uning soʻzlariga koʻra, Oʻzbekiston futboli Markaziy Osiyoda eng kuchlisiga aylanmoqda va buni OFK ham eʼtirof etadi. Shayx Salmon Oʻzbekistonga tashrifi chogʻida Oʻzbekistonning kelgusidagi futbolni rivojlantirish chora-tadbirlari hamda xalqaro turnirlarda ishtirok etish rejalari bilan yaqindan tanishdi.
2018 yil yanvar oyida boʻlib oʻtgan yoshlar oʻrtasidagi U-20 Osiyo chempionatidagi muvaffaqiyatdan soʻng Oʻzbekiston terma jamoasi 2019 yilda BAAda boʻladigan Osiyo kubogi hamda Tokio-2020 Olimpiada oʻyinlariga katta kuch bilan tayyorgarlikni boshlab yuborgan.
U Oʻzbekiston milliy olimpiya qoʻmitasi Prezidenti hamda Oʻzbekiston futbol assotsiatsiyasi 1-vitse Prezidenti Umid Ahmadjonov bilan oʻzaro esdalik sovgʻalarini almashar ekan, Oʻzbekistonda futbolning jadallik bilan rivojlanayotganiga qoyil qolganini, Oʻzbekiston Osiyo futbolida haqiqiy kuchga aylanayotganini yoshlarning muvaffaqiyatlari hamda U-23 musobaqasidagi gʻalaba yaqqol isbotlab berganini taʼkidladi.
Terma jamoa Osiyo miqyosidagi musobaqalarda, JCH saralashlarida hamda turli oʻrtoqlik uchrashuvlarida yetarlicha tajriba toʻpladi va bu tajriba Tokio-2020, Qatarda boʻlib oʻtadigan JCH-2022 saralash oʻyinlarida albatta asqotadi, – deydi OFK Prezidenti.
Yurtingizda koʻplab sport turlari hamda futbolga katta sarmoyalar jalb etilmoqda va bu oʻz samarasini bermay qolmaydi deb taʼkidlaydi Shayx Salmon.
Manba: www.ufa.uz “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Rossiya dunyodagi birinchi vodorod yoqilg‘ili avtomobilni taqdim etdi
Amerikalik olimlar barcha uchun birdek foydali jismoniy faollik turini aniqladi
Germaniyada maktab o‘quvchilari ommaviy ravishda islom dinini qabul qilmoqda
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Zoir Mirzayev “Telefonsiz maktab”ga 300 mln so‘m mukofot berdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Mariya Zaxarova ukrainaliklarni Amerika hindulariga o‘xshatdi