Xalqaro futbol uyushmalari kengashi (IFAB) Shotlandiyaning Aberdinida oʻtgan yigʻilishda futbol qoidalarining yangi tahririni tasdiqladi. Bu haqda tashkilot matbuot xizmati maʼlum qildi.
Birinchi navbatda toʻpga qoʻl bilan oʻynash holatiga aniqlik kiritilgan. Yangi tahrirga koʻra, endilikda golli uzatma berish yoki gol urilishi bilan tugagan toʻpga qoʻl bilan oʻynalgan holatda toʻpga ataylab tegilmagan boʻlsa ham, gol hisobga olinmaydi va futbolchi ehtiyotsizlik uchun jazolanadi.
Ikkinchi oʻzgarish — almashtirilayotgan futbolchi maydonni unga eng yaqin joyidan tark etishidan iborat. Avval futbolchilar butun maydon orqali texnik hududga borish kerak boʻlgan. Bu oʻzgarish ataylab vaqtni choʻzmaslik maqsadida kiritildi.
Uchinchidan, jamoa vakillariga sportga xos boʻlmagan xatti-harakatlar uchun sariq va qizil kartochkalar koʻrsatilishi bilan bogʻliq qoidalar aniqlashtirildi. Shuningdek, toʻp darvozadan oʻyinga kiritilganda unga himoyachi tegishidan oldin jarima maydonini tark etishi lozimligi qoidasi bekor qilindi.
Qoidalar ichida eng ahamiyatlisi — jarima zarbasini amalga oshirish vaqtida jonli devor hosil qilinishi bilan bogʻliqdir. Endilikda hujum qilayotgan jamoa futbolchilariga jarimani amalga oshirish vaqtida raqib jamoa futbolchilariga xalaqit qilish va toʻp uchun ochiq joy qoldirish maqsadida jonli devorga turish taqiqlanadi. AP nashri xabarida aniqlik kiritilishicha, hujum qilayotgan jamoa futbolchilariga jonli devorga 1 metrdan yaqinroq masofada turish taqiqlanadi.
Shuningdek, penalti amalga oshirilishi vaqtida darvozabonlarga bir oyoqlarini darvoza chizigʻida ushlab turishlari kifoya qiladi. Avval bunday holatda darvozabonlar ikki oyoqlarini chiziq ustida ushlab turishi talab etilgan.
Yangi qoidalar 2019 yil 1 iyundan kuchga kiradi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Navoiyda YPX xodimlari ko‘z oldidagi qoidabuzarlikka ko‘z yumdi
Saudiyadagi forumda G‘azo urushi muhokama qilindi: «Isroilni to‘xtata oladigan yagona davlat – AQSH»
OAV erkinligi reytingi: Dunyodagi vaziyat - oxirgi 10 yildagi eng yomoni
Zaporoje viloyatining Rabotino shahri shimolida Rossiya bayrog‘i ko‘tarildi
AQSH Rossiyani Ukrainaga qarshi kimyoviy qurol qo‘llaganlikda aybladi
“Xufyona iqtisodiyotga qarshi kurash illyuziyasi” — Soliq qo‘mitasining rejalari nega tanqidga uchradi?
Keksayganda ham yosh ko‘rinish uchun qanday hayot tarzini kechirish kerak?